|
|
|
||||||||||
|
||||||||||
|
يئنه گلدي گوللو باهار بايرام ائدير ائللريميز يئنيله شير گونلر آيلار گؤروشوروک دوستلارلا بيز
اوره گيميز گولمه سه ده اومودلارلا دولور داشير خوش گله جک آرزوسيله سايسيز درده دؤزور ياشير
قارا قئش تک بيلير بير گون يامان گونده سونا چاتار اوزو گولر ائل اوبانين عاشيق اوخور قاطار قاطار
جان بوداغي چيچکله نر گولوش قونار دوداقلارا ياز نفسلي سئوينج دولار ياس قوخولو اتاقلارا
گونش گولر بوز بولاغا مارال گزر اؤز داغيني بولبول دؤنر گول بوداغا چيچک به زه ر اؤز باغيني
گؤزللرين ان گؤزه لي ياشيل يوردوم تالان اولماز دادليلارين ان دادلي سي آنا ديليم اسير قالماز
ايندي دورو خياللاردا ياشانير شوخ باهاريميز سئوگي دولو کونوللرده قورونورو دياريميز
شنليگيميز اولماسادا يئنه دئيب گولمه لييک باغچاميزدا يئني آچان گول قدريني بيلمه لييک
اسماعيل جميلي
|
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دگيلدير. |
||||||||||
|
E-mail
: webmaster@gajil.20m.com |
||||||||||