Gajil,Gecil,گجيل
 

گجيل

 
شعر
يازيلار - مقاله لر
اسماعيل جميلينين شعرلري
ATASÖZLERİ VE DEYİMLER

 

باهار

بلبله    وئردي   خبر غنچه     باهارين    گليشين

شخته ني   قوودو  صبا  تنديري قيزدي  گونشين

چيله دي گؤز ياشيني گولشني  گولدوردو   بولود

اسن آغ يئل قروون قارلي قيشين   چکدي  ديشين

چيچگين آچدي اوزون   قيلدي  چراغان    چمني

دؤشه دي داغ دؤشونه  اوستا دوغا اؤز ال ايشين

آغ  گئين   ياسمني   اؤپدو       گلينليکده   بولاغ

نازيله  وئردي   صبا   مژده    فراقين    بيتيشين

يام ياشيل اويلاغينا   سوردو   سوريله    قوزونو

توتگين چالدي چوبان  چکدي  دابانين    چپيشين

تئلينين   تارلاسيني   يئغدي   بوروندو      بولودا

اوندا کي گؤردو گونش    آينا   بولاغلاردا  ائشين

سالدي گؤي قورشاغي قول بوينونا جيرانلي داغين

قوجاغين آچدي قايا ايلک اؤپوشون وئردي پئشين

خوش او آنلار   کي آچار آرزي باغيندا  گولوموز

اوخونار  قورتولوشون  نغمه سي  دينلر له له شين

اسماعيل جميلي

 

گجيل سايتي ركلاملاري وئريلن سايتلارين محتواسيندان سوروملو دئييل.
 بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.


 


گجيل سايتي لينکي وئريلن سايت يا يازيلارين محتواسيندان سوروملو دئييل.

E-mail : webmaster@gajil.20m.com
Copyright © 2003-2004.