Gajil,Gecil,گجيل
 

گجيل

 
شعر
يازيلار - مقاله لر
اسماعيل جميلينين شعرلري


 توفان يوخوسو

 

 سانما يوخلاييبدير سس سيز سمير سيز

 دئمه چؤکوب شهره اؤلوم   قورخوسو

 گئجه ني     دالغا    سيز ياشايان  دنيز

 سحره   گؤرورو    توفان    يوخوسو

 

 باخيشلار پايلاشير مين بير  گيزليني

 دوداقلار سوسسادا  کؤنوللر   دويور

 يوز ايللر  بوکمه ييب  ارکين بئليني

 هله ده   وارليقين ، ائلين   قورويور

 

 بوز  گؤلون  مورگولو گؤروب آلدانما

 ساوالان کؤکسونده جوشان  وولکاندير

 گؤردوگون قارا گون بو ائل بو تورپاق

 ايگيردلر  بئشيگي       آذربايجان دير

 

 بو يئرده آرخاني  گؤره ن   گؤزلر وار

 هامارلار  اوچوروم دؤنوملر  دوزدور

 بو   يئرده  يايئني   چکن     سازلارين

 سنگري ماهني لار اوخلاري سؤزدور

 

 آتيلان  قورشوندور   هر بير   باياتي

 ستارخان  توفنگي  بو گون    قلم دير

 بيلگي ياراقينا    ساريلان      اوزان

 کؤکسونده قوپوزو قورقود ده ده م دير

 

 بو يئرده بئشيکده ن باشلانير دؤيوش

 گئچيلمز يوللاري   آشير     لايلالار

 قارانليق  گئجه لر   قودوراندا   قيش

 اومود  باغچاسيندا  گول له نير باهار

 

 آزادليق  هايقيران     بابک  قالاسي

 چاغلا اياقلاشان سينماز  اوردودور

 سوسماز نسيمي سي سويوللارسا دا

 بورا  آذربايجان   اودلار يوردودور

اسماعيل جميلي

 

گجيل سايتي ركلاملاري وئريلن سايتلارين محتواسيندان سوروملو دگيلدير.
 بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.


 


گجيل سايتي لينکي وئريلن سايت يا يازيلارين محتواسيندان سوروملو دگيلدير.

E-mail : webmaster@gajil.20m.com
Copyright © 2003-2004.