|
|
|
||||||||||
|
||||||||||
|
گول کولور گولشن آرا تازه باهارين اوزونه ياز يئلي سورمه سورور نرگيس مستين گؤزونه وصل گول بولبوله بايرام ائله يير هر گونونو غنچه باغ باغ آچيلير نغمه لي سئودا سؤزونه سريلير سوسن و سونبول سبلانين دؤشونه قوزو امليک يايئلير نازلي موغانين دوزونه ايلک باهاريله اوغورلار ديله يير دوستا کؤنول سو چيلير سئوگي قابارميش غم ودردين کؤزونه اومودوم وار کي آچان گول چيچگين آردينجا يوردوموندا گئجه سي بير قووشا گوندوزونه اسمه يه باد خزان يازدا نظامي باغينا گولومو گولشنيمي چيخمايا يادلار اؤزونه اسه باشدان باشا يوردومدا آزادليق نسيمي غم توزو قونمايا بيرده ائليمين گول اوزونه اسماعيل جميلي
|
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دگيلدير. |
||||||||||
|
E-mail
: webmaster@gajil.20m.com |
||||||||||