Gajil,Gecil,گجيل

گجيل

صحيفه لر:
آنا صحيفه ، وئبلاگ لار ، موسيقي-مديا ، كيتاب ، ويدئو كليپ ، مقاله لر ، آنلاين آذربايجانلي لار ، خبر ، ادبيات ، دانلودلار ، ساير باخيشلار ،شخصيت لر ، درگي ، آنا ديلي مكتبي ، سياسي-اجتماعي توپلوملار ، عمومي ، گولوش ، بوتوو آذربايجان ، تورك لر ، اوشاقلار ، بيرليك گروپو ، كئچميش يازيلار ، فولكلور

شعر - ناغيل

يازيلار - مقاله لر

اسماعيل جميلينين شعرلري

تبريزيم

باخديقجا حسنينه دويمايير گوزيم
تبريزيم، تبريزيم، گوزه ل تبريزيم
قويمارام يادلاري گيرسين قوينونا
اذن وئر قوليمي ساليم بوينونا!
سنين بايرامينا، سنين تويونا
ديلي بير، قاني بير قارداشين گلوب
دردينه آشنا سيرداشين گلوب
سن چيخدين قارشيما دوزلا- چوره كله
باغيندان درديگين، گولله- چيچكله
ايكييه بولونمه ز صاف بير اوره كله
تبريزيم، تبريزيم، آمان، تبريزيم
يوخ اولسون باشيندان دومان تبريزيم!
بولبول زار- زار آغلار چمندن آيري
انسان دئييب گولمه ز وطندن آيري
جان نئجه ياشاسين بدندن آيري؟
آچ اؤز اوره گيني دانيش تبريزيم
اؤلوم دردلرينه تانيش تبريزيم
قدريني آيريليق چكه نلر بيلير
هجرينده گوز ياشي توكه نلر بيلير
عمرينه قارانليق چوكه نلر بيلير
باغيندان گول- چيچك درديم تبريزيم
يئنه تازالاندي، درديم تبريزيم
بو آينا بولاقلار بو آينا سولار
سودا آياغيني يويان قارغولار
دوغورور كونلومده مين بير دويغولار
سسله نير كمانيم، سازيم، تبريزيم
اي منيم باهاريم، يازيم تبريزيم
اذن وئر داغلارين باشينا چيخيم
دريم اوزوميندن بير نئچه سالخيم
يئييب گيله- گيله، حسنينه باخيم
كونلوم قارتال كيمي اوچسون تبريزيم
الهام پريسيني قوجسون تبريزيم
قشنگ قيزلارين وار، گوزه ل يوپ- يومري
سنده مسكن سالوب گؤيرچين- قومري
گوروم اوزون اؤلسون اؤنلارين عمري
گؤروم گلمه يه سن گؤزه تبريزيم
قولاغ آس دئديگيم سوزه تبريزيم
ازلدن شاعيرلر يوردوسان اينان
دوشيندن سود امه ن سايسيز قهرمان
يولوندا جانيني ائتميشدي قوربان
گتيروب اونلاري يادا تبريزيم
باش اگمه جلادا، يادا تبريزيم
ستارخان او بويوك سردار ميللي
او آتش اوره كلي، او آتش ديللي
ائتدي آزادليغي ائللره بللي
گل اونون يولوندان دؤنمه تبريزيم
دالغالان، الوولان، سونمه تبريزيم
نه قشنگدير يول بويونجا سؤيودلر
سؤيودلرين كؤلگه سينده ايگيدلر
بابالاردان دينله ييرلر اؤگودلر
جوشور دامارلاردا، قاني تبريزيم
يوخدور بو مردلرين ساني، تبريزيم
آتيمي سينه نده چاپوب سوريره م
هر كئچه ن يولچويا سلام وئريره م
نه لر ائشيديره م، نه لر گوروره م
نه دير بو قارانليق گئجه تبريزيم؟
بونا نئجه دوزوم، نئجه، تبريزيم؟
آغلاسان- آغلارام، گولسه ن- گوله رم
ياشاسان- ياشارام، اؤلسه ن- اؤله رم
واريمي سنينله ياري بوله رم
گل، بيرده اوزوندن اؤپوم، تبريزيم
باشينا گل چيچك سه پيم، تبريزيم
نه دير اؤ معنالي درين باخيشلار؟
نه دير گؤزلريندن ياغان ياغيشلار؟
نه دير قلبينده كي پاييزلار- قيشلار؟
يئتيم تك بوينوني بورما تبريزيم
ملول- ملول باخوب دورما، تبريزيم
سنين چيچگينه گولينه قوربان
منه قارداش دئيه ن ديلينه قوربان
وطنينه قوربان، ائلينه قوربان
باخديقجا حسنينه دويمايير گوزيم
تبريزيم، تبريزيم، گوزه ل تبريزيم

((سليمان رستم))
تبريز، 1941 نجي ايلين اكتبر آيينين 12سي

گجيل سايتي ركلاملاري وئريلن سايتلارين محتواسيندان سوروملو دئييل.
بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.

گجيل سايتي لينکي وئريلن سايت يا يازيلارين محتواسيندان سوروملو دئييل.