Gajil,Gecil,گجيل
 

گجيل

 
شعر - ناغيل
يازيلار - مقاله لر
اسماعيل جميلينين شعرلري


تبريزلي دوستوما
 

روزگار اسه ر، طوفان قوپار، آغير بوداق سينار- دئمه
اووچيليقدان دم ووراني، بو دوز، بو داغ سينار- دئمه
بير اوره گه آغير اولار بو درد، بو داغ، سينار- دئمه
چوخ يانسيدي ديللر سني
قوجالتمادي ايللر سني
گئچمه نامرد كورپوسيندن
آپارسادا سئللر سني

مرد آتالار ياخشي دييوب: قورد آجينار، دومان گزه ر
دار قابيقلي، دويغوسيز، بوش اوره كلري گمان گزه ر
آغير گمي غرق اولاندا، سو اوزونده سامان گزه ر
پوچ سنبللر باش قالديرار
سئللر گله ر، داش قالديرار
ظلمين آغير زنجيريني
گوزده ن آخان ياش قالديرار؟

سن بو يوردون اؤز اوغليسان، تورپاق سنه قووت وئرير
كوره گينده زولاق سالان قامچي ايله قدرت وئرير
ظاليم اوندان باج ايسته يير، تبريز اونا نفرت وئرير
قان بولاغي، دار آغاجي، جلادلارا شهرت وئرير
هر گئجه نين گوندوزي وار
چوغون گئچه ر، گله ر باهار
باخ، وطنين گويلريندن
دورنا گئچير قاطار- قاطار


رسول رضا

 

گجيل سايتي ركلاملاري وئريلن سايتلارين محتواسيندان سوروملو دئييل.
 بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.


 


گجيل سايتي لينکي وئريلن سايت يا يازيلارين محتواسيندان سوروملو دئييل.

E-mail : webmaster@gajil.20m.com
Copyright © 2003-2004.