|
|
دي آينين 10 - ثقه الاسلامين ايل دونومو مناسبتينه
ميرزه علي، حاج ميرزه موسي
نين اوغلو 1277اينجي ايلين رجب آيينين 7 اينجي گونو تبريزده آنادان اولموش و
53 ايل باش اوجا و ثمرلي ياشاديقدان سونرا قهرمانجا بويوك شهادت مقامينا ال
تاپميشدير.
شهيد ثقه الاسلام چاغيميزين نئچه جهتلي عاليم لريندن ايدي كي، آدي سياست ده،
شاعيرليكده، ناطق ليكده، تاريخ چيليكده، فقه ده و... همه شه احتراملا ياد
اولونار. اونون چوخلي كيتابلار بو زمينه لرده چاپ اولوب و تاسفله بير سيراسي
هله ليك ال يازما شكلينده قاليرو أرزي اولونور بير گون ايشيق اوزو گورسونلر.
بو بويوك مبارز مشروطه انقلابيندا و تبريزده روسلاريله اولان ويريشمالاردا
مجاهيدلرين داياغي اولوب و اوزوندن و استبداد قارشي سيندا اوزوندن چوخلي
رشادتلر گوستريب.
1330اينجي قمري ايلينده((1290گ)) تبريزده روسلارين عليهينه ويريشمالار
اولاندا ونئچه يوز روس سربازي تبريزده اولندن سونرا روسلار بو قيامين
باشچيلارينا أجيق توتوب و همان ايلده دي أيينين 5 اينده تبريزي مجاهيدلرين
اليندن ألاندان سونرا بو قيامين باشچيلارين توتوب وتبريز ملتينه چوخلي ظلملر
ائتديلر.
ثقه الاسلامين جاني خطرده اولا- اولا تبريزده قاليب و اوبيري دولتلره پناهنده
اولماق پيشنهادلاريندا رد ائتدي.
ثقه الاسلام روس كونسولونون بو ادعاسين كي تبريزليلر بو ويريشمايا باعيث
اولوبلار واولار بو دويوشي باشلاييبلار قبول ائتمه ييب و اونون نامه سيني
امضا ائتمه دي و بو ايشيله روسلارين اوخوني داشا ويردي.
1330 اينجي قمري ايلينين محرم أيينين 10 ايندا((1290اينجي گونش ايلينين دي
أيينين 10 ني دوشنبه گونو)) بو قيامين دوققوز نفر بويوكباشي كي ثقه الاسلامدا
اولارين ايچينده ايدي تبريزده روسلارين اليله دارا چكيليرلر.
ثقه الاسلام دار أغاجينين ألتيندادا اوز يولونا دوام وئريب و روس كونسولونون
سوزلرينه اوتلي جاوابلار وئريب.
ثقه الاسلامين مزاري تبريزين مقبره الشعراسيندا قرار تاپيب.
دئييرلر او شهيد ايرانين 17شهري روسيه يه وئريلديكده اوره يي باشقا هم يئرلي
لري كيمي كدرله دولوب واحساسلي شعرلر دئميش كي بو غزلي أيدين شاهيددير.
خيالين ياخشي مونس دير منه شام و سحر سن سيز
كي سندن اوزگه يوخ قلبيمده بير فكر دگر سن سيز
اوزون گوردون صلاح كاري مندن ال چكيب گئتدين
مگر سندن قالان غم بيرده مندن ال چكر سن سيز؟
وطندن آيري دوشدون،
آيري دوشدو روح جسميندن
گوزومده اشكيله باهم أخارخون جگر سن سيز
چيخيب ظاهيرده الدن دامنين ليكن يقينيم دير
موافق اولماسين بو ظلمه حكم قدر سن سيز
گلرسن قورخورام بيرگون،
سني گورمك محال اولسون
گئدر شايد فراقيندا بو آز نور بصر سن سيز
قايناق: شمس تبريز درگي سي شوماره98
نظر لرينيز!