|
|
آبانين 25 - ستارخانين ايل دونومو مناسبتينه
ستارخان ويدئو كليپي ( گجيل سايتي نين ويدئو كليپ لر صحيفه سيندن )
بير پارچا فيلم : آذربايجانين دموكرات فرقه سي دورونده ستارخانينن عزيزلمه مراسيمي ( download )
ستارخان قاراجاداغى ( بير مقاله )
ستارخانين مزاري اوسته كئچيريلن مراسيمين شكيللري(1382/8/22)
1 - 2- 3- 4 ( تريبون سايتيدان )
ستارخان ، مشروطه
انقلابينين پارلاق اولدوزي 1245اينجي گونش ايلينين مهرآييندا قاراداغدا
آنادان اولدي.آناسي كلثوم و آتاسي حسن خان محمدخانلو ائلليندن ايدير
كي قاراداغدان كوچوب و تبريزين امره قيز
محله سينده اوتوروردي.
ستارين گنج چاغيندا بويوك قارداشي اسماعيل دولتي مامورلارين اليله اولدورولور
و ستارقاجار حكومتينين آجيقين اوشاقليغيندان اوره گينده ساخلايير. اونون
قورخمازليغي وظاليملريله قارشيلاشماسي ستارين آدين تبريزده ديله سالير واوني
كيمسه سيزلرين ومظلوملارين داياقي ائدير. مشروطه حركاتي باشلاناندان سونرا
ستار آذربايجان مجاهدلرينين باشچيسي اولوب و بو يولدا اوزوندن ائله چيخار
وبويوكلوك گوسترير كي ((سردارملي)) لقبي آلير واستبداد اردولارينا آغير ضربه
لر ويريب، مشروطه انقلابينين پيروزليغينا باعث اولور.
بو بويوك كيشينين قورخمازليغيندان ووطنيني سويماقيندان چوخلو حكايه لر
تاريخده يازيليب. ستارخان ايران تاريخينين قارانليق گونلرينده و استبدادين
بوغونتيسيندا وفالي سيلاح داشلاريله آزادليق و باش
اوجا ياشاماق يولوني ملته تانيتديريب و بو يولدا اولارين باشچيسي اولوب.
تاريخده يازيليب او زمان كي مجاهدلرين ساييسي ايكي الين بارماقلاريندان
آزايدي واستبداد قووه لري بو چيراغي سوندورمكدن اوتور هر طرفدن اولاري حصره
سالميشديلار، ستارخان تسليم اولماييب و وفالي سلاحداشلاري باقرخان، حسين خان
باغبان و... ايله اولاري گئري قايتارير.
بو مجاهدلرين مبارزه لري بوتون ايران ملتينه بير نمونه اولوب وباعث اولور
ايرانين باشقا شهرلريده استبدادا قارشي دورسونلار ونتيجه ده تهران مشروطه
مجاهدلرينين الينه دوشور.
1328اينجي ايلينين ربيع الاول آييندا روسلارين فشاريله ستارخان وباقرخان
تهرانا گئديب و اتابك پاركيندا ساكن اولور. بو ايلين رجب آيينين 30ايندا
مجاهدلر و دولتي قووه لرين آراسيندا ويريشما دوشور وستارخان يارالانير. بو
ويريشمانين بهانه سي ستارخان و اونون آداملارينين خلع سلاحي اولور. بو يارا
ستارخاني ايشدن سالير و ستارخان 1292 گونش ايلينده وفات ائدير...
كوراوغلو دور، خان چوبان دير، ستارخان
گول چيچكلي آذربايجان
باغينين قوزو اوينار، جئيران
سوزر داغينين
شانلي يوردون ايستكلي توپراغينين داماريندا
ايستي قاندير ستارخان
كوراوغلو دور، خان چوبان دير، ستارخان
آرخا دوردو كيمسه سيزين هايينا
جوشقون سئل تك آخدي ائلين چايينا
قالماياراق اوز جانينين وايينا
جاندان گئچن بير قورباندير ستارخان
كور اوغلودور، خان چوبان دير، ستارخان
اودلو يوردون باغيرتيلي آصلاني
ميدانلارين ظاليم بوغان قافلاني
بو اولكه نين بام باشقاجا سلطاني
ظلمه قارشي، چيخان خاندير، ستارخان
كور اوغلودور، خان چوبان دير، ستارخان
يامان گونده چاتدي ائلين دادينا
هولا قوشدو ظاليمين هر زادينا
تاقلار قوردو ائل لر اونون آدينا ائل
گوزونده بير جانان دير، ستارخان
كور اوغلودور، خان چوبان دير، ستارخان
آينالي دير گورلو سازي الينده
زخمه كيمي اوينار مرمي تئلينده
ظفر سوزون چالدي سازين ديلينده ظفر سالان بير
سلطان دير ستارخان
كور اوغلودور، خان چوبان دير، ستارخان
يابانجيلار سوزلرينه يان دئدي
اوز ائلينه خان دئدي، سلطان دئدي
شانلي ائله جانيني قوربان دئدي
آينا بولاق، بير عماندير ستارخان
كور اوغلودور، خان چوبان دير، ستارخان
چاققال صفت قورقو قوردو جانينا
بابك كيمي بوياديلار قانينا
قوربان اولوم بو ائلين قوربانينا
ائل يولوندا بير قورباندير ستارخان
كور اوغلودور، خان چوبان دير، ستارخان
آذربايجان آدين سالدي ديللره
آزادليغين پايين وئردي ائللره
جان دئييبن جان بوراخدي سئل لره آي
گوزه ليم گور نه خان دير ستارخان
كور اوغلودور، خان چوبان دير، ستارخان
بو اولكه دير آصلانلارين ياتاغي
سماسيدير قارتاللارين اوچاغي
يامان دوغوب باقرخان تك قوچاقي حيدر
عمي، باقرخاندير ستارخان
كور اوغلودور، خان
چوبان دير، ستارخان
" دادبر" ده ستارخان تك قارداشا ياشيل
باشلي دورنالارا سيرداشا
فخر ائيله ير دونيا واركن قانداشا
وطنداشا بير عماندير ستارخان
كور اوغلودور، خان چوبان دير، ستارخان
شعر: امير دادبر
نظر لرينيز!