|
|
بوندان كي آنا ديليمي دوز يازا بيلميرم ايستيرم هاي سالام ! آما بو حال دا ايستيرم آنا ديليمده يازام ، سايت دوزلدم و... چارم نه دير؟ هر حال دا غلط توركجه يازماغي بيزه باغيشلايون!
شبسترلي معجز
ميرزاعلي معجز 1252اينجي گونش ايلينين فروردينينين
آيينين 9دا
شبسترين ((سيسبگ)) محله سينده آنادان اولدو. آتاسي حاجي آقاو آناسينين آدي
زهراخانيم ايدير. معجزين آتاسي استانبولدا ايشليردي و معجز آناسيله 16ياشينا قدر
شبسترده ياشييب و((ملاعلي)) نين مكتبينده يازيب و اوخوماقي اورگنير.1267اينجي ايلده
آتاسي استانبولدا فوت ائديب و معجزين قارداشلاري اوني استانبولا آپاريرلار. معجز16
ايل استانبولدا قاليب و اوردا كتاب ساتماقيله كئچينيرميش.
معجزبو ايللرده توركي ادبياتين مطالعه ائديب و استانبولدا اولان عربلريله
معاشرت ائتماقيله عربي ديلين و اونون ادبياتين اورگنير. 16ايل استانبولدا قالماقدان
سونرا 1283اينجي ايلينده قافقاز يولوندان وطنه قاييدير.
معجز استانبولدا يئني علم و فرهنگيله تانيش اولور و وطنه قاييداندان سونرا اوز
وطنداشلارينين دالي قالماقين اولارين خرافه لر اسيري اولماقي و يئني علملريله اوزگه
اولماقيندا بيلير.
معجز بو قارانليقلاريله مبارزه يه باشلايير و عومرونون سونونا قده ر نادانليق
و بئساوادليغيله قارشيلاشير و شعرلرين اوز آنا ديلينه يازير و دئير:
باشارسان هرنه معجز ياز آنان تعليم ائده ن ديلده
گزر بير ارمغان تك دفترين ، بيل، چين و تاتاري
اوزماندا كي آروادلار و قيزلار اجتماعدا هئچ حقلري يوخودي معجز اولارين درس
اوخوماقيندان و قيزلاردان اوتور مدرسه آچيلماقدان دانيشيردي و اونلار دنه شعر بو
مطلبه گوره يازيب و عامي ميللتين ايچينده يايدي. او بو شعرلرده قيزلاري درس اوخوماق
و اوز حقلرينه تانيش اولماقا چاغيريب و يازيردي:
قولاق وئر سيزه وار بيرايكي سوزوم باجيلار
گئدين، اوخويون، اي ايكي گوزوم باجيلار
هر ميللت ائدر كسب علوم و هنر آي قيز
بيزده ياشاريق دهرده ميثل بقر آي قيز
ايللر بويي بو يولدا مبارزه ائتمكدن سونرا 1309اينجي ايلين مهر آييندا معجزين
پيشنهاديله، بير عده آچيق فيكرلي استانبول و باكي گورموش انسانلار و نئچه تاجرين
يارديم ايله شبسترده بير قيز مدرسه سي آچيلير و معجز بو مناسيبته ((مژده)) آديندا
بير شعر يازيب و اوخويور:
دئديم بارها من معارضلره قالار رو سيه ليك فقط سيزلره
ائده رلر بينا مدرسه قيزلارا گلر شوقا بير گون جوانلار گئنه
سوزوم اولدو سبز آچديلار مدرسه
بنات گونئي و ئرديلر سس- سسه
و بير فارسي شعرده بئله يازير:
تا مادر اطفال نخوانند و ندانند
اطفال چنين مادر خرخر بچگانند
بر مومنه فرض است نبي گفته تعليم
گر مومنه زن نيست، بگوييد كيانند؟
روحيكه عليل است، كند خسته بدن را
اطفال چو جسمند و زنان روح و روانند
آبادي هر مملكت از دانش زنهاست
چون بر پسران تربيت آموز زنانند
1312 اينجي ايلين شهريور آييندا معجز باجاناقينين دعوتيله ((شاهرود)) شهرينه گئديب و1313 اينجي ايلين اسفندآييندا 61 ياشيندا اللاهين رحمتينه گئدير و شاهروددا توپراقا تاپشيلير.
نظر لرينيز!